ආදරණීය හේමා දිවි ගමනින් නික්මය යි!!!!!!!

ජන මාධ්‍ය ආයතන කිහිපයක සේවය කල ඒ මහතා

සොදුරු ලයාන්විත කලා කාමී ප්‍රවීන මාධ්‍යවේදී හේම නලින් කරුණාරත්න අභාවප්‍රාප්ත වී ඇත. ඔහු ජාතික රූපවාහිනියේ ඉදිරිපත් කළ“නමයයි පහ” වැඩසටහන මෙරට ප්‍රේක්‍ෂකයන් වැළඳගත් සොදුරු වැඩසටහනකි. ඒ ඔහු මෙරට ජනතාව හදුනාගත් අවස්ථාවයි. එතැන් පටන් ජනම්ධ්‍යයේ විවිධ ඉසව් මගින් මෙරට ජනතාවට වඩාත් ලංවන ලදී . මෙරට ජන මාධ්‍ය ආයතන කිහිපයක සේවය කල ඒ මහතා මිය යනවිට 56වැනි වියෙහි පසුවිය.

හදිසි හෘදයාබාධයක් හේතුවෙන් ඔහු මිය ගොස් ඇත්තේ මාලබේ තලාහේන ප්‍රදේශයේ පිහිටි සිය නිවසේ දී බව සදහන් වේ.හේම නලීන් කරුණාරත්න ප්‍රේක්ෂක ජනතාවගේ සිත් දිනාගත් ජනප්‍රිය නිවේදකයෙකි. ඔහු අන්තර්ජාලය හරහා විකාශය වන හෙරිටේජ් ටීවී හි ප්‍රධානියා වශයෙන් කටයුතු කළේය.
මෙරට ජනමාධ්‍ය ශේස්ත්‍රයට අනුපමේය මෙහෙයක් සිදුකල මේ ලයාන්විතයා ගේ නික්ම යාම දැරිය නොහැකි පාඩුවකි

මැලේසියාව, ජර්මනිය හා එක්සත් ජනපදයේ ලන්ඩන් නගරයේ ජන මාධ්‍ය ක්ෂේත්‍රය පිලිබඳ වැඩි දුර අධ්‍යාපනය ලැබූ හේම නලින් කරුණාරත්න ‘Beyond 2000’ , ‘Lonely Planet ‘ වැනි විදෙස් වැඩසටහන් වලින් ආභාෂය ලබා ගෙන දේශීය මුහුණ වරකින් “නමයයි පහ” යන වාර්තා වැඩසටහන රැගෙන ආවේය.

නිවේදකයකුට වඩා දැවැන්ත මෙහෙවරක් රූපවාහිනී ක්‍ෂේත්‍රය තුළ ඉටු කළ අයෙක් වන හේම නලින් කරුණාරත්න සොබා සෞන්දර්යයට බොහොම ලැදි, සරල චරිතයක් ලෙස රසිකයන් අතර ප්‍රසිද්ධ ය.ආදරණීය හේමා ඔබ නැවත ජීවන රග මඩලෙහි දැකීමට නොහැකි වනු ඇත. ඔබ මෙරට මාධ්‍ය කලාව වෙනුවෙන් සිදුකල මෙහෙය මේ මොහොතේ ගැඹුරුම තැනින් සිහිපත් කරමි !!!!!!!

Leave a Reply

Your email address will not be published. Required fields are marked *