ඩොලරය ඉදිරියේ රුපියල ශක්තිමත් වෙයි

පසුගිය මාස කිහිපයේ සිට දිගින් දිගටම ඩොලරය ඉදිරියේ මෙරට රුපියලේ අගය කඩා වැටුණු අතර කොරෝනා වසංගතය සමග එහි අවප්‍රමාණය වීම සීඝ්‍ර වෙන ලදී ඒ අනුව වෙරට රුපියලේ අගය ඩොලරයට සාපේක්ෂව රු 200 දක්වා ඉහල යන ලදී පවතී තත්වයට යම් සහනයක් ලැබෙමින් මාස එකහාමාරකට පසු ඇමෙරිකානු ඩොලරයට සාපේක්ෂව රුපියලට ගෙවන අගය අද දිනයේ (15) 190න් මෙපිටට පැමිණියේ ය.

ශ්‍රී ලංකා මහ බැංකුව දෛනිකව නිකුත් කරන විනිමය අනුපාතිකවලට අනුව අද (15) ඇමෙරිකානු ඩොලරයක ගැනුම් මිල රුපියල් 184.89ක් ලෙසත් විකුණුම් මිල 189.99ක් ලෙසත් දැක්විණි.

නව කොරෝනා වයිරසය හෙවත් ‘කොවිඩ්-19’ ගෝලීය වසංගතය හේතුවෙන් ඇමෙරිකා එක්සත් ජනපද ඩොලරයට සාපේක්ෂව රුපියලේ අගය ඉකුත් අප්‍රේල් 8 වැනිදා 200 සීමාව ද ඉක්මවා ගියේ ය.‘කොවිඩ්-19’ ගෝලීය වසංගතය හේතුවෙන් ලොවපුරා මුදල් ඒකක රැසක් අවප්‍රමාණය විය.

මෙලෙස ඇමෙරිකානු ඩොලරයක විකුණුම් මිල 190 සීමාවෙන් මෙපිටට පැමිණියේ මාර්තු 20 වැනිදායින් පසුව ය.ජනවාරි 1 වැනිදා සිට මැයි 6 වැනිදා දක්වා කාලයේදී ඇමෙරිකානු ඩොලරයට සාපේක්ෂව ශ්‍රී ලංකා රුපියල 3.9 % කින් අවප්‍රමාණය වී ඇත.

Leave a Reply

Your email address will not be published. Required fields are marked *