මත්තල ගුවන්තොටුපල විකුණා දැමීමට සුදානමි නැහැ—අමාත්‍ය ප්‍රසන්න රණතුංග

මත්තල ගුවන්තොටුපල විකුණා දැමීමට සුදානමි නැහැ—අමාත්‍ය ප්‍රසන්න රණතුංග

මත්තල ගුවන්තොටුපල විකුණා දැමීමට රජයේ කිසිදු සුදානමක්
නැතැයි අපනයන ආයෝජන ප්‍රවර්ධන සංචාරක හා සිවිල් ගුවන්සේවා
අමාත්‍ය ප්‍රසන්න රණතුංග මහතා අවධාරණය කරයි.

මත්තල ගුවන්තොටුපලේ කළමණාකාරිත්වය විධිමත් කිරීම
සම්බන්ධයෙන් තමන් කළ ප්‍රකාශයක් පදනම් කර ගනිමින් මේ
දිනවල සමාජ මාධ්‍ය ඔස්සේ මේ සම්බන්ධයෙන් පැතිර යන වාර්ථා
සම්පූර්ණයෙන්ම පදනම් විරහිත බවද රණතුංග මහතා පෙන්වා දෙයි.

මේ සම්බන්ධයෙන් අද (11) උඩුගම්පලදි මාධ්‍ය හමුවේ විශේෂ
ප්‍රකාශයක් කරමින් රණතුංග මහතා මේ බව අවධාරණය කලේය.

මෙය රජය අපහසුතාවයට පත් කිරීමේ අරමුණින් පරාජිත දේශපාල
පක්ෂ නියෝජිතයින් කිහිප දෙනෙකු සිතාමතාම සිදුකරන බොරු
ප්‍රචාරයක් බව පෙන්වා දෙන ඇමතිවරයා වත්මන් රජය ජාතික
සම්පත් විකුණා දැමීමට කිසිසේත් සුදානම් නැතැයි කිවේය.

පසුගිය යහපාලන ආණ්ඩුව මෙන් එකක් කියා එකක් කිරීමේ
ප්‍රතිපත්තියක් වත්මන් රජයට නොමැති බව පැවසූ රණතුංග මහතා

වත්මන් ආණ්ඩුව කියන දේ කරන කරන දේ කියන ආණ්ඩුවක් බවද
කීවේය.

මත්තල ගුවන්තොටුපල මගී හා භාණ්ඩ ප්‍රවාහන ගුවන්තොටුපලක්
ලෙස සංවර්ධනය කිරීම සදහා වත්මන් රජය අවධානය යොමු කර
ඇතැයි පෙන්වා දුන් රණතුංග මහතා ඉතා කඩිනමින් මත්තල
ගුවන්තොටුපල ක්‍රියාකාරී ගුවන්තොටුපලක් බවට පත් කිරීම රජයේ
අරමුණ බවද අවධාරණය කලේය.

Leave a Reply

Your email address will not be published. Required fields are marked *