රනිල් එළවීමේ සටනේ එජාප මෙහෙයුම චතුර බාරගනී.. ශ‍්‍රිලනිප මෙහෙයුම එස්.බී. අරඹයි..

රනිල් එළවීමේ සටනේ එජාප මෙහෙයුම චතුර බාරගනී.. ශ‍්‍රිලනිප මෙහෙයුම එස්.බී. අරඹයි..

රනිල් එළවීමේ සටනේ එජාප මෙහෙයුම චතුර බාරගනී.. ශ‍්‍රිලනිප මෙහෙයුම එස්.බී. අරඹයි..
අග්‍රාමාත්‍ය රනිල් වික්‍රමසිංහ මහතාට එරෙහිව ඉදිරිපත් කිරීමට නියමිත විශ්වාස භංග යෝජනාවට එක්සත් ජාතික පක්ෂයේ මන්ත්‍රීවරුන්ගේ අත්සන් ලබා ගැනීමේ වගකීම ගම්පහ දිස්ත්‍රික් එක්සත් ජාතික පෙරමුණු පාර්ලිමේන්තු මන්ත්‍රී චතුර සේනාරත්න මහතා භාර ගෙන තිබේ.

ඒ අනුව එම විශ්වාස භංගයට එක්සත් ජාතික පක්ෂයේ මන්ත්‍රීවරුන්ගේ අත්සන් ගැනීමේ මෙහෙයුම පාර්ලිමේන්තු මන්ත්‍රී චතුර සේනාරත්න මහතා ඊයේ (15) රාත්‍රියේ සිටම ආරම්භ කර ඇත.

චතුර සේනාරත්න මහතා එක්සත් ජාතික පක්ෂ පාර්ලිමේන්තු මන්ත්‍රීවරුන් ගණනාවකට ඊයේ (15) රාත්‍රියේ දුරකතනයෙන් කතා කර අග්‍රාමාත්‍ය රනිල් වික්‍රමසිංහ මහතාට එරෙහි විශ්වාස භංග යෝජනාවට අත්සන් කරන්න යැයි ඉල්ලා තිබේ.

ඒ එම ඉල්ලීමට එකඟ වී ඇති අදාළ මන්ත්‍රීවරුන් වහාම ක්‍රියාත්මක වන පරිදි ඒ මොහොතේම කර තිබෙන්නේ මේ සම්බන්ධයෙන් අග්‍රාමාත්‍ය රනිල් වික්‍රමසිංහ මහතා දැනුම්වත් කිරීමය.

මේ අතර මේ විශ්වාස භංග යෝජනාවට ශ්‍රී ලංකා නිදහස් පක්ෂයේ මන්ත්‍රීවරුන්ගේ අත්සන් ලබා ගැනීමේ වගකීම සමෘද්ධි අමාත්‍ය එස් බී දිසානායක මහතා භාර ගෙන ඇති අතර ශ්‍රී ලංකා නිදහස් පක්ෂයේ මන්ත්‍රීවරුන්ට කතා කරමින් අත්සන් එකතු කිරීමේ කටයුතු ඔහු මීට සුළු මොහොතකට පෙර ආරම්භ කළේය.

– colombotoday

Leave a Reply

Your email address will not be published. Required fields are marked *