තවත් කොවිඩ් මරණ දෙකක්–මියගිය මුළු රෝගීන් සංඛ්‍යාව 44 ට නගි

තවත් කොවිඩ් මරණ දෙකක්–මියගිය මුළු රෝගීන් සංඛ්‍යාව 44 ට නගි

මෙරටින් තවත් කොවිඩ් ආසාදිත මරණ දෙකක් වාර්තා වී ඇතැයි රජයේ ප්‍රවෘත්ති දෙපාර්තමේන්තුව පවසයි.

මියගිය එක් පුද්ගලයෙක් කොළඹ 11 ප්‍රදේශයේ පදිංචි වයස අවුරුදු 40ක පිරිමි අයෙකි. ඔහු කොළඹ ජාතික රෝහලට ඇතුළත් කරන අවස්ථාවේ දී මියගොස් සිට ඇත.

පශ්චාත් මරණ පරීක්ෂණයේ දී මරණයට හේතුව ලෙස දැක්වෙන්නේ කොවිඩ් – 19 ආසාදනය හේතුවෙන් ඇති වු හෘදයාබාධයකි.

මේ අතර අද දිනයේ වාර්තා වු අනෙක් කොවිඩ් මරණය කැලණිය ප්‍රදේශයේ පදිංචි 45 හැවිරිදි පිරිමි පුද්ගලයෙකි. ඔහු කොවිඩ් ආසාදිතයෙක් ලෙස හඳුනාගැනීමෙන් පසු නොවැම්බර් මස 1 වන දින හම්බන්තොට දිස්ත්‍රික් රෝහලේ ප්‍රතිකාර ලබමින් සිට ඇත. කොවිඩ් ආසාදනය උත්සන්න වීමෙන් ඔහු මියගොස් ඇතැයි අනාවරණ වී තිබේ.

ඒ අනුව මෙරටින් වාර්තා වන කොවිඩ් – 19 ආසාදනය හේතුවෙන් මියගිය මුළු රෝගීන් සංඛ්‍යාව 44ක් බව සෞඛ්‍ය සේවා අධ්‍යක්ෂ ජනරාල්වරයා දැනුම් දෙයි.

Leave a Reply

Your email address will not be published. Required fields are marked *