ජනපතිගේ නිවුයෝක් ප‍්‍රකාශයට මහින්දගේ උත්තරය මෙන්න..

ජනපතිගේ නිවුයෝක් ප‍්‍රකාශයට මහින්දගේ උත්තරය මෙන්න..

යුද්දයේ අවසන් සති දෙකක කාලය තුල රටින් පිටව ගොස් සිටි බවට වත්මන් ජනාධිපති මෛත‍්‍රිපාල සිරිසේන මහතා විසින් කරන ලද ප‍්‍රකාශය සම්බන්දයෙන් හිටපු ජනාධිපති මහින්ද රාජපක්‍ෂ මහතා ප‍්‍රතිචාර දක්වයි.

එම කාලයේදී තමන් ලංකාවෙන් පිටත්ව ගියේ රාජ්‍ය තාන්ත‍්‍රික කටයුත්තක් සඳහා යයි ඔහු සදහන් කරයි.

ජෝර්දානයේ පැවති ජී-11 සමුළුව ඇමතීමට තමන් එම දිනවල එහි ගියේ දෙදිනක කාලයක් සදහා පමණක් බවත් පවසන රාජපක්‍ෂ මහතා සමුළුව අතරමග නැවත තමන් ශ‍්‍රී ලංකාවට පැමිණී බවත් සදහන් කරයි.

කොටි ත‍්‍රස්තවාදී යුද්දය අවසන් යයි පාර්ලිමේන්තුව අමතමින් 2009 මැයි 19වනදා ප‍්‍රකාශයට පත් කලේ තමන් විසින් යයිද හිටපු ජනාදිපතිවරයා කියා සිටියේය.

ජනාධිපති මෛත‍්‍රිපාල සිරිසේන මහතා පසුගියදා නිවුයෝක් හිදි කියා සිටියේ යුද්දයේ අවසන් සති දෙක තුලදී එවකට හිටපු ජනාධිපති, හිටපු අගමැති, හිටපු ආරක්‍ෂක ලේකම්, හිටපු හමුදාපති රටින් පිටව සිටි බවයි.

කොටි සංවිධානය විසින් ගුවනින් පහර දී කොළඹ නගරයට දැවැන්ත විනාශයක් සිදු කරන්නේ යයි ලැබී තිබූ තොරතුරු මත ඔවුන් මෙසේ රටින් පිටවු බවත් තමන් එම කාලයේදී වැඩබලන ආරක්‍ෂක ලේකම්වරයා ලෙස යුද්දය මෙහෙයවූ බවත් ජනාදිපතිවරයා එහිදී සදහන් කලේය.

Leave a Reply

Your email address will not be published. Required fields are marked *